Question #: 2646
July 13, 2020
Answer #: 2646
کیا بینک میں ملازمت کرنا جائز ہے؟
الجواب حامدا ومصلیا
سودی بینک اور سودی شعبہ جات میں نوکری کرنے کے بارے میں یہ تفصیل ہے کہ اگر ملا زمت کا تعلق سودی لین دین یا سودی لکھت پڑھت وغیرہ سے نہ ہو مثلا ًچوکیداری یا ڈرائیوری کی نوکری وغیر ہ ہوتواس ملازمت کی گنجائش ہے اوراس پر ملنے والی تنخواہ بھی حلال ہے اوراگر ملازمت کا تعلق سودی لین دین یا سودی لکھت پڑھت وغیرہ سے ہو مثلا ً سودی قرضہ فراہم کرنا ، بینک کیلئے سودی لین دین کی پالیسی بنانا وغیرہ جیسے منیجر اور کیشئر وغیرہ کی ملازمت تویہ ملازمت ناجائز ہے اور اس پر ملنے والی تنخواہ بھی ناجائز ہے۔
والله اعلم بالصواب
احقرمحمد ابوبکر صدیق غَفَرَاللّٰہُ لَہٗ
دارالافتاء ، معہد الفقیر الاسلامی، جھنگ
23 محرّم، 1442ھ
12 ستمبر، 2020ء