Question #: 2511
October 30, 2019
Answer #: 2511
میں آسٹریلیا میں رہتی ہوں، حنفی مسلک کے مطابق کیا وہ پنیر جس میں جانور کا رینٹ استعمال ہوتا ہے وہ جائز ہے کہ نہیں؟ اور اگر جائز ہے تو تقویٰ کے مطابق پرہیز بہتر ہے؟ پنیز میں کیا حرام جانور کے اشیاء استعمال ہوتے ہیں؟
الجواب حامدا ومصلیا
غیر مسلم ملک میں جو پنیر ملتا ہے اس میں ناپاک (نجس) چیزوں کی آمیزش کا احتمال رہتا ہے یعنی وہ لوگ مردار یا غیر ماکول اللحم جانوروں کا رینٹ بھی اس میں ڈال دیتے ہیں، اس لیے غیرمسلم ممالک کے تیار کرہ پنیر سے احتراز ہی بہتر ہے، البتہ اگر کسی پنیر کے بارے میں یہ یقین ہو کہ اس میں نجس چیزوں کی آمیزش نہیں کی گئی ہے تو اس کے استعمال کی گنجائش ہوگی۔ احتیاط اولیٰ وبہتر ہے۔
والله اعلم بالصواب
احقرمحمد ابوبکر صدیق غَفَرَاللّٰہُ لَہٗ
دارالافتاء ، معہد الفقیر الاسلامی، جھنگ
04 ربیع الأوّل، 1441ھ
02 نومبر، 2019ء