28 Mar, 2024 | 18 Ramadan, 1445 AH

Question #: 2981

July 02, 2022

میں یکم جنوری ۲۰۲۱ کو صاحب نصاب ہو گیا میرے پاس ایک لاکھ روپے أ گئے۔ یکم جنوری ۲۰۲۲ کو میرے پاس پیسے نہیں تھے۔ بلکہ یکم دسمبر ۲۰۲۲ کو میرے پاس پیسے آگیۓ۔ اب میں اسی ٹائم زکواۃ ادا کروںگا؟؟؟ اگر اسی ٹائم ادا کرتا ہوں تو ایک مہینہ بعد میرے صاحب نصاب ہوۓ دو سال پورے ہو جائینگے تو کیا ایک مہینہ بعد دوبارا زکواۃ ادا کرنا پڑےگا یعنی یکم جنوری ۲۰۲۳ کو۔؟

Answer #: 2981

الجواب حامدا ومصلیا

زکوۃ کے واجب ہونے کے لیے  نصاب کی رقم پر ایک سال قمری کا گذرنا شرط ہے، چنانچہ آپ کے صٓحب نصاب ہونے کی تاریخ یکم جنوری نہیں بلکہ یکم جنوری 2021 کو جو قمری تاریخ تھی وہ شمار ہوگی۔

صورت مسؤلہ میں حساب کے مطابق  قمری سال  کے مطابق، قمری مہینہ کی  جس تاریخ  کو آپ کے پاس ایک لاکھ  روپیہ آیا تو اگلے سال  قمری مہینے کی اس تاریخ میں اگر آپ کے پاس نصاب( ایک لاکھ )  موجود تھا تو آپ  پرزکوۃ واجب ہے،  اگر اس تاریخ کو نصاب  کی رقم موجود نہیں تھی  تو زکوۃ واجب نہیں  ہوگی، اگر اگلے مہینہ بھی  یا اس کے بعد کبھی دوبارہ نصاب کے بقدر رقم آگئی ہے تواس پر نیا قمری سال گذرنے پر زکوۃ واجب ہوگی، گذشہ سال کی وجہ سے زکوۃ واجب نہیں ہوگی۔ 

والله اعلم بالصواب

احقرمحمد ابوبکر صدیق غَفَرَاللہُ لَہٗ

دارالافتاء ، معہد الفقیر الاسلامی، جھنگ